Сёння выхаванцы старэйшай групы адправіліся ў падарожжа па Чырвонай кнізе Беларусі, падчас якога пазнаёміліся з гісторыяй узнікнення «Чырвонай кнігі», з якой мэтай яна створана, з раслінамі і жывёламі, занесенымі ў Чырвоную кнігу. У выніку занятку ў выхаванцаў сфармаваліся ўяўленні пра тое, што людзі, дрэнна ведаючы прыроду загубілі шмат раслін і жывёл, што ў выніку пагаршэння экалагічнага становішча ў прыродзе дзікія жывёлы працягваюць гінуць на нашай планеце. Зрабілі выснову, што кожны чалавек, нават самы маленькі, нясе адказнасць за захаванне жыцця на сваёй планеце.
